दरवर्षी गणेश चतुर्थीला गणेश भक्तांच्या घरी तसेच सार्वजनिक गणेशोत्सव मंडळांमध्ये गणेशाचे आगमन होते आणि वातावरण चैतन्याने भरून जाते. समाज प्रबोधनासाठी सुरू केलेली गणेशोत्सवाची परंपरा जगभर आजही त्याच हिरिरीने जपली जात आहे. या अनुषंगाने ganeshotsav.org ने गणेशोत्सव सजावट स्पर्धा घरगुती आणि सोसायटीतील गणपती साठी आयोजित केली आहे.

गणेशोत्सवात सार्वजनिक मंडळे प्रबोधनपर देखावे साकारतात, तसेच घरोघरीही गणेशाची सुंदर आरास केली जाते. सार्वजनिक मंडळांच्या देखाव्यांच्या माध्यमातून आणि घरगुती गणेशोत्सव सजावटीद्वारे सामाजिक संदेशदेखील दिले जातात.

या गणेश चतुर्थीला आपल्या घरात आणि सोसायटीत मनमोहक आणि आनंददायी वातावरण निर्माण करूया. गणेशोत्सव साजरा करण्याचा हा आनंदाचा आणि सर्जनशीलतेचा क्षण आहे. यावेळी आपल्या गणपतीच्या आगमनाचे स्वागत करण्यासाठी सजावट स्पर्धेत सहभागी व्हा आणि आपल्या प्रतिभेचा ठसा उमटवा.